chaandni raat k hathon pay sawar utri hai
koi khushboo meri dehleez k paar utri hai
is main kuch rang bhi hain khuwaab bhi mehkar bhi hai
jhilmilati hui khuwahish bhi inkaar bhi hai
isi khushboo main kayi dard bhi afsanay bhi
isi khushboo nay banaye kayi dewanay bhi
meray anchal pay umeedon ki qatar utri hai
koi khushboo meri dehleez k paar utri hai
isi khushboo say kisi yaad k dar khultay hain
meray pairon say jo liptay to safar khultay hain
yahi khushboo jo mujhey ghar say utha layi thi
ab kisi tor palat ker nahi janay dayti
meri dehleez bulati hai mujhey loat aao
yahi khushboo mujhey wapis nahi janay deti
ranj or dard main doobi bahar utri hai
koi khushboo meri dehleez k paar utri hai
Subscribe to:
Post Comments (Atom)
Posts
No comments:
Post a Comment